انت بتحلم

باختصار فكرة مجنونة مدونة مفتوحة وتواصل مستمر بس من خلال سؤال لازم تجاوب عليه عزيزى الزائر ..وبمنتهى الصدق مع نفسك ..مش ضرورى تكون صادق فى كلامك معايا .
السؤال // انت بتحلم ..؟..بتحلم بايه ..؟حلمك اتحقق ..؟ طيب ممكن يتحقق ؟..مقومات تحقيقه ايه ؟....انت بتملك المقومات دى...؟
سِؤال واحد بعلامات استفهام كتييييييرة ..!!!
اكتب بس ظروف حلمك وويمكن نخرج بنتيجة
وفى النهاية اللهم اجعله خير .








الثلاثاء، 13 يوليو 2010

ما جربناش الفرح

lh

غير معرف يقول... مش عارف ليه حاسس ان صوت الشجن عندك عالي اوي ..والمشكلة اننا بنحب الحزن مهما قلنا غير كده..
له جاذبية خاصة عندنا احنا المصريين ..يمكن علشان ما جربناش الفرح
زهرة الصبار جربي الفرح كده ..

 زهرة الصبار
   حالة غريبة جدا ...كنت اتمنى لو أن الأمر بيدنا نحن البشر ...اذا اردنا الحزن حزنا ....واذا رغبنا الفرح والسعادة  سعدنا
واذا  أردنا الحياة كما نشاء ...فها هى فرصتنا ..
هذه المنح الإلهية لا نملك الا ان نرجوها من الله ...بيده الأمر من قبل ...ومن بعد ..
أسرَ أحدهم لى مرة بأن الله لا يمنحنا نحن البشر شيئاً إلا اذا رآنا نرغبه بشدة ..ونسعى اليه ...
ليت الأمر بهذه السهولة ..فعندما تجتمع عليك ..الآلام والأحزان من الطبيعى أن تتمنى زوالها ...ولا يكون ذلك الا بزوال الأسباب .
طال الأمر ام قصر فله أجل معلوم لا يعلمه الا الله سبحانه وتعالى ..
....ولكن هل تعلم شئ..لاحظت بالفعل ان أغلب المدونين الصفة السائدة على كتاباتهم ..هى الأحزان والأشجان ..ومع
إختلاف  الاسباب من الوطن الجريح ومرورا بالخيانة والزيف الى الخوف من المستقبل ..وكأن الاحزان هى المحرك الرئيسى للفكر ومن ثم الأقلام ...أحترم الأمر عندما أشعر بصدقه ..وبصدق المعاناة التى يمر بها أصحابها ...وكم أمقت الأمر ان كان به الكثير من الإفتعال ..والزيف ..والإستغلال لمشاعرنا ..وهو أسوأ أنواع الابتزاز .
الغريب فى الأمر هو ان الفرح والسعادة أصبحوا من الأمور الشاذه بل ومن الغريب ..البحث عن أسبابهم ..
لا اريد الإستطراد فى الأمر أكثر من ذلك ...ولكن فى النهاية أتمنى بالفعل السعادة التى لطالما بحثت عنها ..وكثيرا ما طاردتها ..حتى أصبحت بالفعل فى مفترق الطريق ..ولكن بخلت بها على الظروف ..
            ولكن ..دائما هناك أملُ ما يلوح بعيدا فى الأفق ..

                        الإسكندرية
                                     13/7/2010


هناك 8 تعليقات:

  1. هو حلم واحد باحلمه وانا صاحية او نايمة وح احلمه حتي وانا مش صاحية ومش نايمة ح احلمه وانا في عالم الملكوت حلم الحرية اجمل الاحلام واصعب الاحلام

    ردحذف
  2. للمرة العاشرة أشوف الصورة دى فى المدونات

    هو كله مهموم ولا عايز ينتحر حد يغير

    ممكن حبل وكوبرى مثلاً أتهريت من قطار أبو قير ده

    طول عمرة عامل دوشة حتى كان يضايقنى وأنا نايم

    تحياااااااااااااتى

    ردحذف
  3. عزيزى علاء المصرى
    مش عارفة فعلا ليه الكل مهموم وحزين لكن ده الواقع السائدداخل أغلب المدونات لكن طبعا الانتحار ده جريمة اتمنى الا يقد م عليها أحد .
    أما الصورة هناأردت بها الرمز أن الانسان قد يشعر احيانا انه وحيد اوانه فى مفترق الطريق .او مجبر على السير فى الحياة وفق ما يفرضه عليه الآخرين .
    فعذرا ان لم تلقى القبول .

    ردحذف
  4. مرسي كتير يا أونكل على قصيدة البهللة الحلوة إللي كتبتها في مدونتي المتبهللة ربنا يكرمك ويطيب خاطرك كل واحد يدخل المدونة ويشوف الصور يهرب تقول شاف عفريت بجد أمال لو شافني راح يعمل إيه !!!!


    وبصراحة نحن إللي جايبين الغم لنفسينا لو نظمنا نفسنا وعملنا ثورة جماعية راح نقطع الهم طرنشات ونخلله وبعدين نرميه مش راح ناكله عشان ما نتغمش تاني .. وأحلى سلام من بهلولة الشرق .. أسطورة الشرق مش الغرب

    ردحذف
  5. عزيزتى ام الخلود عذرا مش فاهمة حاجة من الجزء الاول من التعليق وغريب الكلام نالنسبة ليا ...

    أما الجزء الاخير فلربما عندك حق فى اننا لازم نرمى الهم ونعمل ثورة ضده ...!
    وشكرا لمرورك الكريم والمتابعة .

    ردحذف
  6. السلام عليكم ورحمه الله وبركاته

    زهره الصبار
    مدونتك فيها فكر جميله جدا وجديده أول مره أشوفها
    تصدقى بطلت أحلم من زمااااااااااان
    من ساعه ماأتخرجت من الجامعه وأتصدمت بالواقع المحزن
    أيام الجامعه كان الواحد عايش حلم ووهم كبير جدا جدا
    كان فاكر نفسه هيطلع حاجه كبيره
    ياعنى أى حاجه بس للأسف وهم

    الشغل وبقى حلم بعيد المنال وبعيد عن مجال الدراسه
    الحب هو الوحيد اللى كنت بحلم بيه بعد مااتخرجت بس للأسف طار من اللى طارو

    ياله فكرتينى بكل حاجه محزنه

    أنا سعيد جدا بمرورى على مدونتك الرائعه

    تقبلى مرورى

    محمد التركى

    ردحذف
  7. شكرا زهرة الصبار
    والله انتي روعه
    انا احلامي ما بتخلص
    عندي احلام اكتير ما اتحقق منها الى حلم
    بس انا صغيره ونشاء الله احلامي راح
    تتحقق كلها

    ردحذف
  8. ميس حبيبتى :
    والله ما فرحت باى مخلوق زار مدونتى او تابعها قد ما فرحت بك انت ...ولا حتى بدودى اختك مع الاعتزار لها طبعا هى نورتنى وشرفتنى بمعرفتها جدا ..

    بس انت لك معنى تانى حلو اوى ...الفطرة والبراءة ال فى كلامك والطفولة ال بحسها لما تكلمينى او اشوفلك بوست او حتى تردى على تعليقا تك كل ده بيخلينى اقول انه فيه امل ,..وطبعا حبيبتى انت لسة صغيرة ..العمر الطويل ان شاء الله لسة قدامك ..وتتحقق كل احلامك ..يارب , بس انت احلمى واتمنى وخلى عندك العزيمة ..وان شاء الله كل احلامك تتحقق
    ..ربنا معاك ويوفقك يا قمر

    ردحذف