زهره الصبار
مدونتك فيها فكر جميله جدا وجديده أول مره أشوفها
تصدقى بطلت أحلم من زمااااااااااان
من ساعه ماأتخرجت من الجامعه وأتصدمت بالواقع المحزن
أيام الجامعه كان الواحد عايش حلم ووهم كبير جدا جدا
كان فاكر نفسه هيطلع حاجه كبيره
اعنى أى حاجه بس للأسف وهم
الشغل وبقى حلم بعيد المنال وبعيد عن مجال الدراسه
الحب هو الوحيد اللى كنت بحلم بيه بعد مااتخرجت بس للأسف طار من اللى طارو
ياله فكرتينى بكل حاجه محزنه
محمد التركى ...
الواقع بعد التخرج ..فعلا مؤلم فجأة تلاقى الحياة الوردية ال كنت عايشها فى الجامعة والاهل فرحانين اوى عندهم شاب فى الجامعة قرب حمله ينتهى ويعتمد على نفسه ويشق طريقه فى الحياة ..تلاقى الحياة دى هى ال خيال وحلم صحيت منه ...مش عاوزة اقولك بتصحى على ايه ......بلاش اكتآب ..
لكن عاوزة اقولك حاجة مهمة ...ده حال كل الشباب ..بس المهم مين بيرتضى الامر الواقع ..ويقول نصيبى وزيى كتير ...ومين بتاخده العزيمة ...ويقول لا ....لازم ابقى حاجة واكمل الحلم ....او بمعنى تانى احقق الحلم ..مش عاوزة اقولك كلام انشا العزيمة ...! والارادة .....! ولازم تبقى حاجة ...! ولا هقولك زى احمد حلمى حب ما تعمل حتى تعمل ما تحب ...!
لكن هقولك حاجة واحدة بس ....عاجبك الحال كده ,,,خليك ..ما حدش هيهمه امرك ..ما فيش ال هيدور عليك ويحققلك حلمك !
مش عاجبك ..واقعك ..وعايز تبقى حاجة على حد تعبيرك ...!
الدنيا ما بتديش منح ..لازم تمد ايدك وتاخد ال انت عاوزه ...من غير ما تجور على حق غيرك طبعا ..!
حدد اهدافك ..." وجايز هدفك يكون مشترك مع اهداف ناس تانية قريبة منك ..اشركهم معاك ."..افرز امكانياتك وقدراتك ..وفى الآخر حدد امكانيت تحقيق حلمك ده ايه ....اتعامل مع حياتك وكأنه مشروع لازم ينجح مافيش اختيار تانى ..اعملها دراسة جدوى ..وابدأ ...دايما ابدأ من جديد .
.......
أما من ناحية الحب ال طار مع ال طاروا ...ال اقدر اقلهولك حاجة واحدة ...احمد ربنا انه طار ...لانه حاجة من اتنين ...اما انه مش حقيقى فلازم يطير وربنا جنبك ...شر حاجة مش حقيقية ..كان ممكن تاخد من عمرك سنين وفى الأخر تكتشف انه غلطة ...
وإما انه حقيقى ...وريح نفسك ده نادر جدا حاليا ..وطبعا فى ظروف الشغل وعدم التحقق وصعوبة الحياة دى كان برضه هيتأثر ومش هيفضل منه غير اطلال ...
وبرضه اقولك ليه ..ما تحلمش بحب جديد بس المرة دى بعد ما تبقى تركى جديد تختار الحب بشكل جديد..واقعى جايز المرة دى ربنا يقدرلك الخير ويكون حقيقى ..
ربنا معاك ..
الاسكندرية
أعتذر عزيزتي زهرة الصبار عن التعليق في التدوينة السابقة فقد كان لمدونة أخرى ولكن ضغط بالخطأ على مدونتك .. ولا بأس لقد كسبت معرفتك .. ورب ضارة نافعة.
ردحذفورغم ما تفضلتي به .. إلا أن لكل شخص قدرات والبعض يرضى بأقل ثمار على قدر مجهوده والآخرين يظلوا يسعون إلى أن يصلوا إلى شبه الكمال.
وأعتذر مرة أخرى عن الخطأ الغير مقصود .. تحياتي لك
أنا علقت عندك وماكنتش اتخيل ابدا أنه ممكن يكون تعليقى تدوينه لوحده
ردحذفأنا فعلا هاخد كلامك بمحمل الجد
واستفدت جدا من نصايحك
أنا سعيد جدا بمرورى على مدونتك الجميله
وهكون اسعد بالتواصل مابينا فى المستقبل بأذن الله
تقبلى تحياتى لشخصك الطيب
محمد التركى
عزيزتى ام الخلود :
ردحذفحصل خير ولا يهمك انت برضه نورتينى ..وأشكرك على تعليقاتك ومتابعتك ..
مع تحياتى
عزيزى محمد التركى :
ردحذفأتمنى فعلا أكون نجحت فى تقديم نصيحة مفيدة ..سعيدة بمرور ..مع خالص تحياتى
السلام عليكم ورحمة الله
ردحذفكل عام وانتم بخير
ا/ احمد الصعيدى
ردحذفوعليكم السلام ورحمة الله وبركاته كل عام والاسرةالكريمة وشخصك الكريم بالف خير
سعيدة بمرور حضرتك على مدونتى المتواضعة